Markmið með markvissu foreldrasamstarfi er að efla samvinnu um velferð barnanna og auka tengsl og upplýsingar milli foreldra og starfsmanna leikskólans. Gott samstarf starfsfólks og foreldra er því nauðsynlegt. Starfsfólk þarf að vita hvernig uppeldi heima fyrir er háttað og foreldrar þurfa að vita hvernig uppeldi og menntun fer fram í leikskólanum. Í Brekkuborg er lögð áhersla á góð dagleg samskipti. Að tekið sé hlýlega á móti börnum og foreldrum og þau kvödd í lok dags. Að foreldrar séu upplýstir um daglegt starf, verkefni og líðan barns. Það er stefna okkar í Brekkuborg að koma til móts við þarfir barna og foreldra eins og hægt er.

Bæklingurinn Velkomin til samstarfs um leikskólabarnið

(einnig er búið að gefa hann út ýmsum tungumálum; albönsku, cebuano, spænsku, pólsku, tælensku, ensku og rússnensku)

Smelltu á myndina til að skoða bæklinginn

Í 11. grein laga um leikskóla frá 2008 segir:

Kjósa skal foreldraráð við leikskóla og skal leikskólastjóri hafa frumkvæði að kosningu í ráðið. Í foreldraráði sitja að lágmarki þrír foreldrar.  Skal kosning til foreldraráðs fara fram í september á ári hverju og skal kosið til eins árs í senn.  Foreldraráð setur sér starfsreglur.  Leikskólastjóra ber að starfa með foreldraráði.

Hlutverk  foreldraráðs er að gefa  umsagnir til leikskóla og nefndar, sbr. 2mgr. 4.gr., um skólanámskrá og aðrar áætlanir sem varða starfsemi leikskólans.  Þá skal ráðið fylgjast með framkvæmd skólanámskrár og annarra áætlana innan leikskólans og kynningu þeirra fyrir foreldrum.  Foreldraráð hefur umsagnarrétt um allar meiri háttar breytingar á leikskólastarfi.

Skólanámskrá:

Í hverjum leikskóla skal gefa út skólanámskrá sem er nánari útfærsla á aðalnámskrá.  Leikskólastjóri er ábyrgur fyrir gerð hennar.   Skólanámskrá skal endurskoða reglulega.  Leikskólaráð skal staðfesta skólanámskrá að fenginni umsögn foreldraráðs.

Starfsáætlun:

Leikskólastjóri skal gera starfsáætlun árlega þar sem gerð er grein fyrir skóladagatali og öðru því sem varðar starfsemi leikskólans.  Starfsáætlun skal árlega, að fenginni umsögn foreldraráðs, lögð fyrir skólanefnd til staðfestingar.

 Foreldraráð í Brekkuborg 2018-2019

Kemur bráðlega

 Foreldrafélag

Í Brekkuborg er starfandi foreldrafélagið Eik, sem samanstendur af öllum foreldrum sem eiga börn í Brekkuborg.

Stjórn félagsins er mynduð af 8 fulltrúum foreldra.

Elvira Viktorsdóttir er tengiliður starfsmanna við stjórn félagsins.

Kosið er í stjórn félagsins á foreldrafundi að hausti.Reiknað er með að hver fulltrúi sitji 2 ár í stjórninni, þannig að aðeins helmingur stjórnarmanna gangi út á hverju ári.

Markmið foreldrafélagsins Eikar er:

Að mynda nánari tengsl foreldra og starfsfólks

Að styrkja og styðja alla þá sem tengjast leikskólanum

Að standa að ýmiskonar menningarviðburðum fyrir börnin og standa straum af þeim kostnaði sem því fylgir.

Tveir fulltrúar úr stjórn foreldrafélagsins, tveir leikskólakennarar og leikskólastjóri mynda samstarfsnefnd sem hittist þrisvar sinnum á ári til að fjalla um ársáætlun leikskólans, endurmat og annað sem varðar leikskólann.

Foreldrar greiða 6.000 kr á ári, sem gera 500 kr á mánuði, sem innheimt er með gíróseðli 3x á ári. Innheimtukostnaður fyrir hvern seðil er 75 kr. Íslandsbanki sér um innheimtuna.

Í stjórn foreldrafélgasins veturinn 2018-2019 sitja eftirfarandi foreldrar:

Kemur bráðlega